शिक्षा,सेवारअक्षरकोजीवन।

तिमी ठूलो मान्छे त पक्कै बन्छौ – यसमा मलाई विश्वास छ ।तर ठूलो बन्ने चक्करमा असल बन्न चाहिं बिर्सन्छौ कि – यो चाहिं एउटा त्रास छ ।असल बाटो हिंड्दै–हिंड्दै ठूलो मान्छे बनेर आफ्नो लागि मात्र हैन सबैको लागि बाँच्नेछौ – मलाई तिमीबाट यत्ति चाहिं आश छ ।

म एक धार्नी आलुसँग एक बिसौली डर लिएर घर फर्केको छु ।एक लिटर दुधसँगै एक चौथाइ शंका लिएर घर फर्केको छु ।एक किलो काउलीसँगै एक पाउ सन्देह लिएर घर फर्केको छु ।म एक मुठा सागसँगै एक त्यान्द्रो आशा लिएर घर फर्केको छु ।

तबसम्म – जबसम्म म धर्ति माथि अङ्कुरण हुन सकूँफेरी घाम देख्न सकूँ, प्रकाशले आफुलाई सेक्न सकूँबर्षातले आफुलाई सिंच्न सकूँ, किट-पतंगहरूलाई जित्न सकूँझार-पातहरुलाई मिच्न सकूँ, अनि तिम्रो ध्यान आफुतिर खिंच्न सकूँ ।

सृष्टि गतिशील छ, जगत जग्मगाइरहेकै छत्यसैले हाम्रो मस्तिष्कलाई पनि सृजनात्मक र सकारात्मक बनाइरहनुपर्छ ।परिस्थिति जतिसुकै प्रतिकूल किन नहोस्—मनस्थिति सँधै अनुकूल नै राखिराख्नु पर्छ ।